Charter Document - 01000100
| Charter Number: | 01000100 |
|---|---|
| Cartulary Title: | The Charters of Norwich Cathedral Priory |
| Charter Language: | Latin |
| Charter Origin: | Lay |
| Charter Type(s): | Obligation |
| Date: | 1287 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus hoc presens scriptum visuris vel audituris Gilbertus le neweman de Geystweyt salutem in domino Noverit universitas vestra me teneri acquietare dominium Willelmum de Kyrkeby priorem ecclesie sancte Trinitatis de Norwyco et eiusdem loci conventui et eorum successores de uno quarterio frumenti et dimidio quatuor bussellis pisarum et duobus quarteriis ordei per annum pro quodam tenemento quod iidem prior et conventus adquisiverunt de Ad[] filio Johannis le cuyllur de Hyndolveston[] pro quo tenemento idem Adam tenebatur singulis annis Margarete que fuit uxor Johannis le cuyllur de Hindolveston[] ad terminum vite sue in predicto blado nomine dotis pro predicto tenemento et quod fuit predicti Johannis le cuyllur quondam viri sui in eadem villa pro quodam tenemento jacenti in Geystweyt Quod quidem tenementum idem Adam le cuyllur dimisit michi et heredibus meis ad terminum vite predicte Margarete Solvendo ad terminos subscriptos videlicet medietatem omnium predictorum bladorum ad festum omnium sanctorum anno regni regis Edwardi filii regis Henrici quintodecimo et aliam medietatem ad pascha proximam sequens sine ulteriori dilatione Et ad istam solutionem plenarie et fideliter faciendam et predictos priorem et conventum et eorum successores versus predictam Margaretam de supradictis acquietandis obligo me et heredes meos et omnia tenementa mea in Hindolveston[] et omnia bona mea mobilia et immobilia ubicumque fuerint inventa potestati et districtioni ballivis prioris Norwyc[] qui pro tempore fuerint ut possint me et heredes meos distringere infra domos et extra per omnia bona nostra mobilia et immobilia ubicumque fuerint inventa et illam districtionem retinere quousque predictis priori et conventui et eorum successoribus tam de dampnis et expensis si quas vel que sustinuerint pro defectu solutionis nostre quam de debito principali plenarie fuerit satisfacturam Et ad majorem securitatem faciendam inveni fidejussores videlicet Johannem Huny Willelmum le carpenter Hugonem filium Thome throwere et Willelmum fratrem eius qui omnes in solidum constituerunt se principales debitores In cujus rei testimonium huic scripto sigillum meum apposui Hiis testibus Roberto le Gros de Geystweyt Ad[] filio suo Roberto de cruce Johanne filio suo Hamone Ive Willelmo Fayrman Ranulpho filio Johannis le cuyllur de Hindolveston Rogero filio Johannis de eadem Johanne filio Gilberti le Gros Edmundo de Crek et aliis Act[] apud Norwicum die jovis proxima post festum sancte Margarete virginis anno supradicto
Source (click image below to view full size)
