Charter Document - 00999226
| Charter Number: | 00999226 |
|---|---|
| Cartulary Title: | The Charters of Norwich Cathedral Priory |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1272 - 1278 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Christi fidelibus ad quos presens scriptum pervenerit [Rogerus] miseratione divina Norwic ecclesie minister humilis salutem in domino sempiternam Considerantes pericula que pluries vento tumultibus et aliis tempestatibus hactenus capelle sancti Alberti ultra portam monachorum sancte Trinitatis Norwici acciderunt et honestatem loci quo divina celebrari debent misteria pariter intuentes de assensu et consensu prioris sancte Trinitatis Norwic et eiusdem loci conventus patronorum dicte capelle sancti Alberti et ecclesiarum beate Marie de marisco et sancti Cuthberti sicut utilitati et commoditati pariter et honestati dictarum ecclesiarum prospiciamus duximus ordinandum ut parochiani capelle sancti Alberti tam intra septa religiose domus sancte Trinitatis Norwic quam extra existentes ad ecclesiam beate Marie de marisco veniant et ibidem audiant divina et in prestationibus decimarum obventionum et oblationum ac aliorum jurum parochialium dicte ecclesie beate Marie et rectori eiusdem sint intendentes et obedientes et parochiani dicte ecclesie beate Marie de marisco ecclesie sancti Cuthberti in decimarum prestationibus oblationibus et proventibus et ceteris juribus parochialibus intendant et obediant Qua quidem ordinatione volumus et ordinamus ut dicta ecclesia beate Marie de marisco sit exempta a jurisdictione archidiaconorum et decanorum et parochiani eiusdem sicut prius fuerunt liberi per capellam sancti Alberti sic sint inposterum et ut in parochianis ecclesie beate Marie de marisco adjunctis ecclesie sancti Cuthberti archidiaconi et decani suam jurisdictionem prout hactenus consueverunt exerceant
Source (click image below to view full size)
