Charter Document - 00990255
| Charter Number: | 00990255 |
|---|---|
| Cartulary Title: | The Charters of Norwich Cathedral Priory |
| Charter Language: | Latin |
| Charter Origin: | Religious |
| Charter Type(s): | Grant, Ruling |
| Date: | 1201 |
| Date type: | Internal, Episcopal, Feast |
| Resource Link(s): |
|
Charter:
Johannes Dei gratia Norwic[] episcopus universis Christi fidelibus per episcopatum Norwic[] constitutis salutem et benedictionem Sicut ex conmisse nobis cure pastoralis officio vos ad opera caritatis invitare et sollicite monere de jure tenemur astricti sic devotionem vestram decet salutaria monita nostra admittere et effectui mancipare Ea propter attendentes quoniam facultates hospitalis sancti Pauli Norwic[] infirmis et peregrinis ibidem receptis non suppetunt ad necessaria ipsis indigentibus ministranda universitatem vestram rogamus movemus et exhortamus in domino et in remissionem peccatorum vestrorum vobis injungimus quatenus cum nuntii eiusdem hospitalis ad vos accesserint elemosinas petituri manum eis misericordie porrigatis ut per subventionem vestram ipsis infirmis possint ministrari et vos per hec et alia bona que inspirante domino feceritis ad eterne possitis fecilitatis gaudia pervenire Nos autem concedimus ut omnes qui eidem hospitali bonorum suorum partem aliquam intuitu Dei duxerint erogandam omnium orationum et bonorum que fiunt in sancta Norwicensi ecclesia participes existant Dat[] Norwic[] per manum magistri Roberti de Wellop sabbato proximo post festum sancti Gregorii pontificatus nostri anno primo
Source (click image below to view full size)
