Charter Document - 00990162
| Charter Number: | 00990162 |
|---|---|
| Cartulary Title: | The Charters of Norwich Cathedral Priory |
| Charter Language: | Latin |
| Charter Origin: | Religious |
| Charter Type(s): | Appropriation, Grant |
| Date: | 1205 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis Johannes Dei gratia Norwicensis episcopus salutem in domino Noverit universitas vestra nos divine pietatis intuitu dedisse concessisse et presenti carta confirmasse et assignasse Deo et ecclesie sancte Trinitatis Norwicensi ecclesiam sancti Andree de Treusse post decessum magistri Simonis de Plumstede persone eiusdem ecclesie ad officium sacristarie in proprios usus inperpetuum possidendam salva pensione duorum aureorum quos celerarius Norwicensis per manum sacriste de eadem ecclesia percipiet annuatim salvo nobis et successoribus nostris inperpetuum jure pontificali et parochiali Indulsimus etiam quod si istam ecclesiam aliquo casu vacare contigerit liceat predicto sacriste possessionem suam ingredi hac auctoritate ei a nobis indulta Hiis testibus magistro Willelmo de Len[n] magistro Roberto de Gloucestr[e] magistro Roberto de Tiwa Alano de Gray Alano de Sancto Edmundo Dat[a] apud Norwicum per manum magistri Galfridi de Derham undecimo kalendas Aprilis pontificatus nostri anno quinto
Source (click image below to view full size)
