Charter Document - 00990153
| Charter Number: | 00990153 |
|---|---|
| Cartulary Title: | The Charters of Norwich Cathedral Priory |
| Charter Language: | Latin |
| Charter Origin: | Religious |
| Charter Type(s): | Appropriation, Grant |
| Date: | 1205 |
| Date type: | Internal, Calendar, Episcopal |
| Resource Link(s): |
|
Charter:
Omnibus sancte matris ecclesie filiis Iohannes Dei gratia Norwicensis episcopus salutem in Domino Noverit universitas vestra nos divine pietatis intuitu dedisse concessisse et assignasse et presenti carta confirmasse dilectis filiis nostris monachis Norwicensibus ecclesiam de Wicton cum omnibus ad eam pertinentibus ad officium cellerarie sue in proprios usus inperpetuum possidendam salvo nobis et successoribus nostris inperpetuum iure pontificali et parochiali Indulsimus etiam quod si istam ecclesiam aliquo casu vacare contigerit liceat predictis monachis vacuam possessionem ingredi hac auctoritate a nobis eis indulta et facient in eadem ecclesia competenter ministrari per capellanos suos pro rationabili voluntate sua amovendos et admittendos Hiis testibus magistro Willelmo de Linn magistro Roberto de Gloucestr magistro Roberto de Tiwa Alano de Gray Alano de sancto Edmundo et multis aliis Data apud Norwicum per manum magistri Galfridi de Derham sexto decimo kalendas Iunii pontificatus nostri anno quinto
Source (click image below to view full size)
