Charter Document - 00940289
| Charter Number: | 00940289 |
|---|---|
| Cartulary Title: | The Boarstall Cartulary |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1265 |
| Date type: | Internal, Feast, Regnal |
| Resource Link(s): |
|
Charter:
Ad festum sancti Barnabe apostoli anno regni regis Henrici filii regis Iohannis quadragesimo nono ita convenit inter Iohannem filium Nigelli ex una parte et Eliam de Thumele ex altera videlicet quod cum dissencio oriretur inter ipsos de quodam crofto in Thumele quod vocatur le Leecroft quod quidem croftum eque participiant inter eos nisi solummodo quod predictus Elias unam sellionem habet in dicto crofto plusquam predictus Iohannes et cum neuter eorum possit facere in hoc de sua parte nec seminare partem suam nisi tempore quo debeat seminari sine concensu alterius scilicet quod seminetur per duos annos continuos et in tercio anno iaceat ad warectum cum idem Elias anno supradicto quandam partem sue partis illius crofti sine concensu dicti Iohannis seminasset ne videretur alicui inposterum se hoc fecisse ad disheredacionem predicti Iohannis vel heredum suorum concedit quod ipse nec heredes sui nec sui assignati unquam de cetero aliquam partem illius crofti seminabunt nisi in annis quando predictus Iohannes seminare faciet videlicet modo supradicto Et si contingat predictum Eliam vel heredes suos vel suos assignatos aliquid de dicto crofto seminare nisi modo prenominato vult et concedit quod predictus Iohannes et heredes sui medietatem illius inbladacionis sine contradictione alicuius licite optineant Et ad [] hiis testibus Thoma de Valoynes milite Waltero de Burgo Henrico de Bellofago Galfrido de Wormenhale Willelmo Tuluse Willelmo Olyver Nicholao le Brun et aliis
Source (click image below to view full size)
