Charter Document - 00920565
| Charter Number: | 00920565 |
|---|---|
| Cartulary Title: | The Oxford Deeds of Balliol College |
| Charter Language: | Latin |
| Charter Origin: | Lay |
| Charter Type(s): | Petition |
| Date: | 1284 |
| Date type: | Internal, A.D., Feast |
| Resource Link(s): |
|
Charter:
Uenerande religionis uiro ac patri suo karissimo fratri Slikeburne de ordine fratrum minorum D de Galwithia domina de Balliolo salutem et deuocionis augmentum in spiritu sancto Quoniam elemosinam pauperum scolarium domus nostre de Balliolo Oxonie studencium per deuocionem bone memorie domini Iohannis de Balliolo quondam sponsi nostri dudum inchoatam ac per nos post eius decessum actenus continuatam ad diuine laudis honorem et tocius ecclesie militantis utilitatem non modicam testatur proficere uirorum illustrium assercio fidedigna hinc est quod ad tantorum tam religiosorum quam secularium instanciam omni fauore dignissimam elemosine predicte perpetuacionem spiritu sancto suggerente affectare quamplurimum excitamur Quapropter de uestra descrecione deuocioneque plenam gerentes fiduciam a uenerabili patre ministro uestro perpetuacionis eiusdem execucionem uobis committi procurauimus finali effectui mancipandam uobis prece qua possumus attente supplicantes quatinus assistente uobis consolacione diuina dictam perpetuacionem satagatis adimplere prout melius noueritis diuine consonum uoluntati sancte matris ecclesie utilitati et dictorum scolarium commoditati aptum et proficuum Et nos quantum in nobis est in omnibus et per omnia ratum et gratum habere promittimus quicquid uos circa negocia scolarium predictorum ordinare facere mutare seu procurare decreueritis et quociens attornatis indigemus ad quascumque saysinas capiendas seu donandas ad opus scolarium predictorum siue de domibus siue de terris siue de aliis quibuscumque emptis emendis uel commutandis ipsos exnunc ordinamus facimus et constituimus nostros attornatos et procuratores quos uos nomine nostro nominandos duxeritis seu assignandos Et omnia et singula predicta uniuersis sancte matris ecclesie filiis tenore presencium significamus In cuius rei testimonium has litteras nostras patentes uobis transmisimus nostro sigillo consignatas Datas apud Fodringeye in octauis Pasche anno domini mcc octogesimo quarto
Source (click image below to view full size)
Markups
Names Markup:
Uenerande religionis uiro ac patri suo karissimo fratri Slikeburne de ordine fratrum minorum D de Galwithia domina de Balliolo salutem et deuocionis augmentum in spiritu sancto Quoniam elemosinam pauperum scolarium domus nostre de Balliolo Oxonie studencium per deuocionem bone memorie domini Iohannis de Balliolo quondam sponsi nostri dudum inchoatam ac per nos post eius decessum actenus continuatam ad diuine laudis honorem et tocius ecclesie militantis utilitatem non modicam testatur proficere uirorum illustrium assercio fidedigna hinc est quod ad tantorum tam religiosorum quam secularium instanciam omni fauore dignissimam elemosine predicte perpetuacionem spiritu sancto suggerente affectare quamplurimum excitamur Quapropter de uestra descrecione deuocioneque plenam gerentes fiduciam a uenerabili patre ministro uestro perpetuacionis eiusdem execucionem uobis committi procurauimus finali effectui mancipandam uobis prece qua possumus attente supplicantes quatinus assistente uobis consolacione diuina dictam perpetuacionem satagatis adimplere prout melius noueritis diuine consonum uoluntati sancte matris ecclesie utilitati et dictorum scolarium commoditati aptum et proficuum Et nos quantum in nobis est in omnibus et per omnia ratum et gratum habere promittimus quicquid uos circa negocia scolarium predictorum ordinare facere mutare seu procurare decreueritis et quociens attornatis indigemus ad quascumque saysinas capiendas seu donandas ad opus scolarium predictorum siue de domibus siue de terris siue de aliis quibuscumque emptis emendis uel commutandis ipsos exnunc ordinamus facimus et constituimus nostros attornatos et procuratores quos uos nomine nostro nominandos duxeritis seu assignandos Et omnia et singula predicta uniuersis sancte matris ecclesie filiis tenore presencium significamus In cuius rei testimonium has litteras nostras patentes uobis transmisimus nostro sigillo consignatas Datas apud Fodringeye in octauis Pasche anno domini mcc octogesimo quartodate