Charter Document - 00911159

Edward par la grace de dieu Roi Dengleter seign[eur] Dirlaunde et Ducs Daquitaine a nos ch[er]s en dieu Abbe et Couent de Egnesham salutz Por coe que nous auons entenduz que la persone de leglise de Merytone la quele est de v[ot]re patronage est en volunte de resigner meisme leglise e nous desirons especiaument e de quer le auauncement no[tr]e cher clerk Iohan de Waure vous prioms taunt de quer cu[mme] nous pooms que meisme leglise voillez voucher sauue en no[tr]e dit clerk e lui presenter a ycele par regard de charite et p[our] am [our] de nous e volons par cele enchesaun estre le plus especiaument tenuz a vous des choses que vous toucherount vers nous E coe que vous envoderez faire a notre priere nous voilliez remaunder par vos lettres et par le portour de cestes Donne souz notre priue seal a Norhamptone le xvi iour de Nouembre Lan de nostre regne vtisme