Charter Document - 00911015
| Charter Number: | 00911015 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1123 - 1148 |
| Date type: | Assigned |
| Resource Link(s): |
Bodleian Library - Christ Church MS 341 (f14v) |
Charter:
Alexander dei gratia Lincolniensis episcopus Willelmo de Boiseio salutem Mandamus tibi mandandoque precipimus quatinus per iuramentum legittimorum hominum Banneberie facias recognosci si terra illa de cuius decima controuersia orta est inter abbatem Egnesh et Willelmum gramaticam fuerit olim de dominio episcopi uidelicet die qua Robertus episcopus predecessor meus dedit abbatie Egneshamie in escambium decimam dominii Banneberie Et si constans fuerit memoratam terram tunc fuisse de dominio precipimus quod facias cito et sine dilatione abbatem eiusdem terre decimam habere et in pace tenere Et quicquid ei inde detentum est cito ei restituatur Hoc autem consilio capituli beate Marie Lincolniensis scias factum Uale