Charter Document - 00910599
| Charter Number: | 00910599 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1228 - 1239 |
| Date type: | Assigned |
| Resource Link(s): |
Bodleian Library - Christ Church MS 341 (f150v) |
Charter:
Sciant [] quod ego N abbas Egneshamie et totus eiusdem loci conuentus dedimus et concessimus Hugoni filio Willelmi Bacun pro homagio et seruicio suo duas terras duorum carucariorum scilicet illam terram quam Robertus Bahun tenuit et illam terram quam Rogerus Puke tenuit cum capitali manso quod fuit Ricardi de Submuro in villa de Egnesham et similiter quoddam pratum iuxta Beterhale quod Rogerus Purchas aliquando tenuit de nobis habendum et tenendum de nobis sibi et heredibus suis iure hereditario libere et quiete ab omni seruicio et demanda exceptis tribus bederippis per annum nobis de illo et heredibus suis faciendis scilicet quamlibet cum uno homine primam ad cibum illorum et duas proximo sequentes ad cibum nostrum et exceptis duabus falcacionibus in Wyresheya et Wroutheya scilicet in utroque prato per unum diem cum uno homine ad cibum nostrum et exceptis duabus falcacionibus in Wyreshya et Wroutheya per duos dies cum uno homine ad cibum illorum Inueniet eciam prefatus Hugo et heredes sui unam carectam per duos dies ad cariandum fenum de prefatis pratis in barthonam nostram ad cibum nostrum Reddet eciam nobis annuatim de omnibus terris prenominatis prefatus Hugo et heredes sui decem solidos sterlingorum ad quatuor terminos anni uidelicet ad festum sancti Thome apostoli ii solidos vi d ad Annunciacionem beate Marie ii s vi d ad Nativitatem sancti Iohannis Baptiste ii s vi d ad festum sancti Michaelis ii s vi d et similiter singulis annis quatuor capones scilicet ad Natale Domini ii capones et ad Pascha ii capones et prenominatus Hugo et heredes sui predictum mansum de regio seruicio adquietare debent Quas prefatas terras et pratum predictum et prefatum mansum prefato Hugoni et heredibus suis contra omnes homines warantizabimus Et si prefatum mansum dictis Hugoni et heredibus suis warantizare non poterimus aliam terram tante latitudinis et longitudinis ad ualenciam sepescripti mansi in uilla nostra de Egnesham ipsis et heredibus suis reddituri erimus Sumptus uero et expensas quas ipse Hugo uel heredes sui in sepe dicto manso fecerint tantum in edificiis quantum in arborum plantacionibus ad placitum predicti Hugonis aut heredum suorum fideliter warantizabimus Et pro hac donacione et concessione dedit nobis prefatus Hugo quadraginta solidos sterlingorum in gersummam Et ut [] hiis testibus magistro Petro de Stanes Auenello I Ianitore Roberto Marescallo Ricardo Bacun Iohanne Bacun Radulfo filio clerici Radulfo de Wottone Amisio de Kersyngtone Petro de Kersyngtone W Blundo et multis aliis