Charter Document - 00910585
| Charter Number: | 00910585 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1200 - 1203 |
| Date type: | Assigned |
| Resource Link(s): |
Bodleian Library - Christ Church MS 341 (f147v) |
Charter:
Dominus Cantuariensis archidiacono Oxenefordie Circumuenti nuper ab Ysabella muliere relicta Willelmi de Glintone credebamus ecclesiam de Kersintone uacare Unde tibi dedimus in mandatis ut quia inter ipsam mulierem et dilectos filios nostros monacos de Einesham super iure patronatus eiusdem ecclesie questio uertebatur sicut ipsa mulier nobis proposuit tali committes eiusdem ecclesie custodiam per quem neutra parcium sui iuris incurreret preiudicium Postmodum uero sicut prius didiceramus advertimus predictos monachos eandem ecclesiam ex institutione bone memorie H[ugonis] quondam Lincolniensis episcopi iuste possidere Unde tibi mandamus quatinus eosdem monachos occasione prioris mandati nostri ipsius ecclesie possessione non destituas sed tam illos quam illorum uicarium permittas illam pacifice possidere Vale