Charter Document - 00910582
| Charter Number: | 00910582 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1375 |
| Date type: | Internal, A.D., Regnal |
| Resource Link(s): |
Bodleian Library - Christ Church MS 341 (f146v) |
Charter:
Nouerint uniuersi nos Galfridum abbatem monasterii de Egnesham et eiusdem loci conuentum concessisse ad mandatum illustris principis et domini nostri domini Edwardi dei gracia regis Anglie uidelicet tercii post conquestum Iohanni Currour de camera eiusdem domini nostri regis corrodium et alia infrascripta uidelicet duos panes de fr[ument]o de panibus uocatis panes sergeantorum in abbatia de Egnesham tres quartas melioris ceruisie de abbatia predicta et tres quartas secunde ceruisie ac de coquina abbatis qui pro tempore fuerit unum ferculum potagii competentis et unum ferculum de coquina scilicet carnis uel piscis competentis secundum diei differenciam singulis uidelicet diebus et unam robam competentem de secta sergeantorum in abbatia nostra predicta uel decem solidos pro roba predicta et dimidiam marcam pro calciatura sua in festo Natalis Domini percipiend[a] singulis annis ad totam uitam eiusdem Iohannis de abbatia predicta per se uel attornatum suum Concessimus etiam eidem Iohanni quamdiu in abbatia nostra predicta morari uoluerit unam cameram in eadem abbatia nostra competentem pro statu suo et literam pro lecto suo sufficientem ad totam uitam suam de abbatia nostra predicta similiter optinendam In cuius [] Datum in domo nostra capitulari de Egnesham octauo die Decembris anno gracie millesimo trecentesimo septuagesimo quinto et regni dicti domini nostri regis Anglie videlicet quadragesimo nono et Francie tricesimo sexto