Charter Document - 00910580

Coram Rogero de Hyllary et Hugone de Astone iusticiariis anno xxix regis Edwardi tercii Gloucestria Assisa uenit recognitura si Galfridus abbas de Egnesham et frater Walterus de Campedene et frater Iohannes de Huntyndone commonachi ipsius abbatis Petrus de la Panet[ri]e et Thomas de Kent iniuste [] disseisiuerunt Iohannem de Herdewyke [et] Willelmum Danuers personam ecclesie de Hamptone super Charewelle de libero tenemento suo in Mukeltone post primam [] Et unde queruntur quod disseisiuerunt eos de medietate manerii de Mukeltone cum pertinenciis [] et sciendum quod altera medietas predicti manerii excipitur eo quod Iohannes de Trillowe et Ricardus Somnour alias summoniti fuerunt ad sequend[um] simul et modo non secuntur [] Et predictus abbas uenit et alii non ueniunt sed quidam Adam Page respondit pro eis tanquam eorum balliuus et pro eis dicit quod ipsi nullam iniuriam seu disseisinam predictis Iohanni et Willelmo inde fecerunt et de hoc ponit se super assisam Et predicti Iohannes de Herdewyk et Willelmus similiter ideo uersus eos capiatur assisa [] et predictus abbas respondet ut tenens manerii predicti et dicit quod assisa inter eos fieri non debet quia dicit quod predicti Iohannes de Herdewyke et Willelmus Danuers simul cum Iohanne Tryllowe milite et Ricardo Somonur per scriptum suum indentatum concesserunt pro se et heredibus suis quod non facient uastum uendicionem nec destruccionem exilium nec alienacionem infra manerium predictum de aliquibus terris seu tenementis ad dictum manerium spectantibus et si iidem Iohannes Trillowe Iohannes de Hardewyke Willelmus et Ricardus le Somonur fecissent uastum uendicionem destruccionem uel exilium infra manerium predictum quod bene liceret abbati et conuentui qui pro tempore fuerint manerium reintrare et sic dicit quod predicti Iohannes de Herdewyke et Willelmus fecerunt uastum uendicionem et exilium in medietate manerii predicti per quod idem abbas in manerio predicto uirtute condicionis predicte intrauit et petit iudicium si predicti Iohannes de Herdewyke et Willelmus assisam uersus eos habere debeant [] et proferunt hic in curia scriptum predictorum Iohannis de Herdewyke et aliorum [] premissa testans predicti Iohannes de Herdewyke et Willelmus [dicunt] quod nullum uastum fuit factum in manerio predicto post confeccionem scripti predicti [] [uerte folium] et de hoc ponunt se super assisam et predictus abbas similiter ideo capiatur assisa [] Recog[nitores] de consensu parcium electi et iurati veniunt qui dicunt super sacramentum suum quod uastum factum fuit in manerio predicto post confeccionem scripti predicti et contra formam conuencionis predicte ideo consideratum est quod predictus abbas eat sine [] et predicti Iohannes de Herdewyke et Willelmus Danuers nichil capiant per assisam [] sed sint in misericordia Placita apud Westmonasterium coram R Hillary et sociis suis iusticiariis domini de Banco de termino Pasche anno regni domini regis nunc Anglie vicesimo nono et regni sui Francie sexto decimo rotulo LV