Charter Document - 00910577
| Charter Number: | 00910577 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1353 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f144v) |
Charter:
Edwardus dei gracia rex Anglie et Francie et dominus Hibernie omnibus ad quos presentes littere peruenerint salutem Sciatis quod pro salute anime nostre concessimus pro nobis et heredibus nostris dilectis nobis in Christo abbati et conuentui de Egnesham personis ecclesie de Cherlebury in cuius parochia parcus noster de Cornebery existit ut dicitur decimas ferarum pullanorum et omnium aliorum decimabilium in parco nostro predicto habendas et percipiendas singulis annis eisdem abbati et conuentui et successoribus suis per manus custodis et ministrorum nostrorum parci illius pro tempore existencium imperpetuum sine occasione uel impedimento nostri uel heredum nostrorum iusticiariorum aut aliorum ministrorum nostrorum foreste quorumcunque In cuius rei testimonium has litteras nostras fieri fecimus patentes teste me ipso apud Westmonasterium vicesimo die Marcii anno regni nostri Anglie vicesimo septimo regni uero nostri Francie quartodecimo