Charter Document - 00910573
| Charter Number: | 00910573 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1350 |
| Date type: | Internal, Feast, Regnal |
| Resource Link(s): |
Bodleian Library - Christ Church MS 341 (f143r) |
Charter:
Omnibus ad quos presens scriptum indentatum peruenerit frater Nicholaus dei paciencia abbas Egneshamie et eiusdem loci conuentus salutem Noueritis nos unanimi assensu et concensu concessisse et dimisisse Simoni Beaner et Willelme uxori eiusdem omnia terras et tenementa nostra cum seruicio liberorum et natiuorum tenencium et cum omnibus suis aliis pertinenciis in Folbroke tenenda ad totam uitam utriusque eorum et executoribus suis seu assignatis suis per unum annum post decessum eorum in forma que sequitur reddendo inde annuatim nobis et successoribus nostris septem marcas sterlingorum ad quatuor anni terminos uidelicet ad festa sancti Michaelis sancti Thome apostoli Annunciacionis beate Marie et sancti Iohannis Baptiste per equales porciones Et si contingat predictum redditum post aliquem terminum predictum per unum mensem proximum sequentem in parte uel in toto a retro fore predicti Simon et Willelma concedunt pro se et executoribus seu assignatis suis quod bene liceat nobis et successoribus nostris in omnibus predictis terris et tenementis cum suis pertinenciis omnibus ut predictum est ingredi et ea cum omnibus bonis et catallis in eisdem inuenta penes nos retinere imperpetuum Et nos [] In cuius [] hiis testibus domino Iohanne Trillowe Philippo de Buketoft militibus Roberto de Arches Roberto de Craunford Willelmo Louches et Iohanne de Herdwike et aliis Datum in capitulo domus nostre de Egnesham die dominica proxima post festum sancti Barnabi apostoli anno regni regis Edwardi tercii post conquestum uicesimo quarto