Charter Document - 00910571
| Charter Number: | 00910571 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1341 |
| Date type: | Internal, Regnal |
| Resource Link(s): |
Bodleian Library - Christ Church MS 341 (f142v) |
Charter:
Notum sit uniuersis quod nos Nicholaus de Vptone permissione diuina abbas Egneshamie et eiusdem loci conuentus unanimi consensu et assensu nostro concessimus dimisimus et tradidimus Willelmo de Combrugg quandam seldam cum solario et omnibus suis pertinentiis in Catestret Oxonie situatam inter tenementum Iohannis Ioie ex una parte et tenementum Iohannis Bybury ex altera parte habendam et tenendam predictam seldam cum pertinenciis predicto Willelmo ad uitam suam de nobis et successoribus nostris reddendo inde annuatim nobis et successoribus nostris octo solidos bone et legalis monete ad festa sancti Michaelis sancti Thome Annunciacionis beate Marie et Nativitatis sancti Iohannis Baptiste equis porcionibus incipiente prima solucione ad festum proximum sancti Thome Et dictus Willelmus dictam seldam et solarium cum pertinentiis suis sumptibus propriis durante uita eius in adeo bono statu quo illud recepit seu meliori sustentabit reficiet et emendabit quociens et quando sustentacione refeccione et emendacione indiguerit Et dictus Willelmus subicit se iurisdiccioni cancellarii Vniuersitatis Oxonie ita quod liceat cancellario Vniuersitatis predicte in dictum Willelmum sentenciam maioris ex communicacionis fulminare si dictus Willelmus in solucione annui redditus predicti per quindenam post aliquem terminum predictum contra formam premissam defecerit quod absit Et nos [] In cuius [] hiis testibus Galfrido de Gloucestria Willelmo de Leuertone Iohanne de Lakyntone Iohanne Ioie Alano de Kylingworthe et aliis Datum apud Egnesham in capitulo nostro anno regni regis Edwardi tercii post conquestum quinto decimo