Charter Document - 00910570
| Charter Number: | 00910570 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1342 |
| Date type: | Internal, Feast, Regnal |
| Resource Link(s): |
Bodleian Library - Christ Church MS 341 (f142r) |
Charter:
Nouerint uniuersi nos abbatem de Egnesham et eiusdem loci conuentum unanimi consensu et assensu concessisse Ricardo Bourmain de Egnesham et Rose uxori sue ad totam uitam eorum necnon Thome Iohanni et Willelmo filiis eorundem videlicet cuilibet eorum successiue post alterum sicut in hoc scripto inseruntur unum tenementum cum curtilagio et crofta adiacentibus et aliis pertinenciis suis in Egnesham in uico qui vocatur le Mullhende uidelicet quod Robertus de Elmyndone de nobis nuper tenuit ibidem habendum et tenendum dictum tenementum cum curtilagio et crofta et aliis pertinenciis suis dicto Ricardo et Rose uxori sue ad totam uitam eorum necnon Thome Iohanni et Willelmo cuilibet eorum successive ut premittitur post alterum termino uite eorum durante reddendo nobis et successoribus nostris octo solidos ad quatuor anni terminos usuales equis porcionibus et unam sectam curie per annum uidelicet ad proximam post festum sancti Michaelis pro omnibus seruiciis exaccionibus et secularibus demandis hoc dumtaxat excepto quod quilibet predictorum Thome Iohannis et Willelmi post decessum dictorum Ricardi et Rose prout successive dictum tenementum ingrediuntur dabit pro suo ingresso in dicto tenemento uiginti sex solidos et octo denarios Et nos [] In cuius [] Datum apud Egnesham in domo nostra capitulari die Veneris in festo Omnium Sanctorum anno regni regis Edwardi tercii sextodecimo