Charter Document - 00910568
| Charter Number: | 00910568 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1342 |
| Date type: | Internal, A.D. |
| Resource Link(s): |
Bodleian Library - Christ Church MS 341 (f141v) |
Charter:
Omnibus [] frater Nicholaus permissione diuina abbas Egneshamie Lincolniensis diocesis et eiusdem loci conuentus salutem in domino sempiternam Noueritis nos concessisse et unanimi consensu dedisse magistro Rogero de Middeltone clerico nostro Sar[esbiriensis] diocesis unam robam cum furura competenti de bucheto de secta clericorum nostrorum principalium uel tresdecim solidos et quatuor denarios sterlingorum singulis annis in manerio nostro de Mukeltone in comitatu Gloucestrie ad terminum uite sue ad festum Natalis Domini percipiendos Ad quam quidem solucionem fideliter faciendam ut predictum est obligamus nos successores nostros ac manerium nostrum de Mukeltone predictum ad quorumcunque manus deuenerit districcioni predicti Rogeri et assignatorum suorum concedendo pro nobis et successoribus nostris predicto Rogero et assignatis suis quod ipsi possint nos distringere in manerio nostro predicto per omnia bona et catalla ibi inuenta et districciones retinere ac fugare ubicunque uoluerint quandocunque roba predicta uel tresdecim solidi et quatuor denarii predicti a retro fuerint donec [de] predicta roba uel predicto annuo redditu tresdecim solidorum et quatuor denariorum ac omnibus arreragiis eorundem eidem magistro Rogero plenarie fuerit satisfactum In cuius [] Datum in capitulo nostro de Egnesham tricesimo die mensis Octobris anno Domini millesimo trecentesimo quadragesimo secundo