Charter Document - 00910566
| Charter Number: | 00910566 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1339 |
| Date type: | Internal, A.D. |
| Resource Link(s): |
Bodleian Library - Christ Church MS 341 (f141v) |
Charter:
Nouerint uniuersi Christi fideles nos Nicholaum permissione diuina abbatem de Egnesham et eiusdem loci conuentum concessisse uenerabili patri et domino domino Bertrando diuina prudencia Hostensi episcopo sacrosancte curie Romane cardinali pro beneficiis et obsequiis suis nobis et monasterio nostro impensis et impendendis singulis annis quoad uixerit sex marcas sterlingorum siue monete Anglicane soluendas eidem uel suo procuratori cuicunque apud Egnesham ad duos anni terminos uidelicet ad festum sancti Iohannis Baptiste quadraginta solidos et ad festum Pasche quadraginta solidos Ad quam quidem pensionem annuam sex marcarum dictis diebus et loco eidem domino aut suo ut predicitur procuratori fideliter faciendam durante uita ipsius domini obligamus nos ecclesiam et monasterium nostrum et successores nostros et omnia bona nostra presencia et futura predicto domino per presentes quibus in testimonium premissorum sigillum commune capituli nostri fecimus apponi Datum apud Egnesham primo die Februarii anno domini MCCC tricesimo nono