Charter Document - 00910565
| Charter Number: | 00910565 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1318 |
| Date type: | Internal, A.D., Feast |
| Resource Link(s): |
Bodleian Library - Christ Church MS 341 (f141r) |
Charter:
Uniuersis [] frater Iohannes permissione diuina abbas Egneshamie et eiusdem loci conuentus salutem in domino sempiternam Nouerit [uniuersitas] uestra nos concessisse Willelmo dicto Persun de Oxonia quod quamdiu uixerit et potuerit in aliquo libero seruicio nobis et successoribus nostris deseruiet et famuletur prout nobis et successoribus nostris uidebitur oportunum et pro uoluntate nostra alterius uicibus comunicand[o] uidelicet in aliquo officiorum seruiencium puta in celario conuentus nostri portar[ii] granar[ii] uel seruientis in camera hospitum percipiendo singulis diebus quoad uixerit duos panes unum uidelicet qui dicitur Priket et alium qui dicitur Sergaunt et unam lagenam ceruisie melioris et unum ferculum de coquina abbatis talibus seruientibus ex consuetudine hactenus liberatum et consuetum et unam robam singulis annis de secta seruiencium in officio ita quod non sit de ualletorum nostrorum secta uel garcionum prouiso tamen quod si in celario nostro aliquando et alternatim ponatur idem Willelmus quamdiu ibidem steterit unum panem de Sergaunt et unum potellum seruicie tantummodo percipiet cum ferculo memorato ita tamen quod quoad uixerit et potuerit totum hernesium infra abbathiam nostram quod ad officium cellarii pertinet quociens indiguerimus cum omnibus apparatibus sumptibus nostris bene et sufficienter de nouo faciet et reparabit Et si contingat dictum Willelmum debilitari uel infirmari uel senio confrangi quominus nobis et successoribus nostris famulari non possit extunc liberacionem suam integram superius expressam habeat suo perpetuo et recipiat Post mortem uero ipsius Willelmi Elena uxor sua prima quamdiu uixerit unum panem de Sergant et unum potellum seruisie melioris cum ferculo memorato de coquina abbatis singulis diebus in celario nostro sub condicione sequenti percipiet uidelicet quia idem Willelmus medietatem bonorum suorum mobilium que in morte sua ipsum optinere contigerit nobis et monasterio nostro plenarie concessit Quod si nos a percepcione medietatis bonorum suorum impediamur quominus dicta bona integre et pacifice percipiamus et habeamus extunc liberacio predicta dicte Elene concessa cesset omnino et ab omni accione et peticione precludatur In cuius [] Datum apud Egnesham in capitulo nostro die sancti Gregorii pape anno domini MCCC octauo decimo