Charter Document - 00910560
| Charter Number: | 00910560 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Declaration |
| Date: | 1325 |
| Date type: | Internal, Feast, Regnal, Lunar |
| Resource Link(s): |
Bodleian Library - Christ Church MS 341 (f139v) |
Charter:
Wichewode Cherleberi et Egnesham abbas et monachi de Egnesham clamant per cartam domini regis Henrici quod ipsi possint assartare et habere in perpetuam elemosinam totam terram suam inter Bladenam et chiminum petrinum et quod sint quieti de assartis et non numerentur inter assarta Item abbas et conuentus de Egnesham clamant pro se et successoribus suis per cartam domini Edwardi nuper regis Anglie habere et tenere boscos suos de Egnesham et de Cherleberi in foresta de Whycchewode et boscum suum de Etona in foresta de Shotoure quietos de regardo imperpetuum ita quod nullus forestarius viridarius regardator aut alius minister foreste quicunque de boscis predictis in aliquo se intromittat nisi tantum de uenacione sed tota custodia predictorum boscorum ad predictos abbatem et conuentum et eorum successores pertineat imperpetuum Factum fuit istud clamium coram domino Willelmo de Cleydone Iocum tenente domini Hugonis le Despenser comitis Wyntonie tunc iusticiarii foreste domini Regis citra Trentam apud Wyttene die Lune proxima post festum sancti Dunstani episcopi anno regni regis Edwardi filii regis Edwardi decimo octauo et in rotulis eiusdem irrotulatum