Charter Document - 00910555
| Charter Number: | 00910555 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1325 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f138r) |
Charter:
Pateat uniuersis per presentes quod nos Iohannes permissione diuina abbas Egneshamie et eiusdem loci conuentus concessimus dilecte nobis in Christo Isabelle que fuit uxor Rogeri de Bray unum mesuagium cum pertinenciis in Egnesham quod situm est inter tenementum Bartholomei cementarii ex una parte et I de Ecclesia ex altera habendum et tenendum eidem Isabelle de nobis et successoribus nostris ad totam uitam suam libere et quiete ab omni seruicio et exaccione seculari cum sustentacione dicti mesuagii quoad cooperturam Et preterea concessimus eidem singulis annis quoad uixerit de camera nostra unam marcam argenti ad terminos sancti Michaelis et Annunciacionis beate Marie in Marcio pro equalibus porcionibus diuidend[am] percipiendam Concessimus etiam eidem singulis diebus quoad uixerit de communi celario nostro unum panem qui uocatur Priketlof de pastu conuentu[ali] et alium panem garc[ionum] cum una lagena seruisie melioris et cum dimidia lagena seruisie que uocatur Serianthale de celario nostro apud Egnesham plenarie percipiendis cum uno ferculo potagii conuentualis ac pasturam unius uacce in pastura communi de Egnesham cum ceteris tenentibus nostris Et nos predicti abbas [] In cuius [] Datum vii die Marcii anno regni regis Edwardi filii regis Edwardi octauo decimo