Charter Document - 00910552
| Charter Number: | 00910552 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1323 |
| Date type: | Internal, Feast, Regnal |
| Resource Link(s): |
Bodleian Library - Christ Church MS 341 (f137r) |
Charter:
Uniuersis [] Iohannes permissione diuina abbas Egneshamie et eiusdem loci conuentus salutem in domino sempiternam Nouerit uniuersitas uestra quod licet domus nostra de patronatu episcopi Lincolniensis qui pro tempore fuerit existat qui nos pro libitu per perhendinantes onerare poterit per quodque erga dominum regem hucusque de perpetuo perhendinatore sui gracia sumus excusati ne duplici onere premeremur in hac parte rogatui tamen tanti principis licet non sine maximo grauamine hoc facere ualemus ad presens obtemperantes Thome Frein nobis per eundem dominum regem nuper transmisso concedimus uictum et uestitum ad mandatum nobis directum in domo nostra de Egnesham in forma subscripta percipiend[os] uidelicet quod singulis diebus in aula abbatis cum seruientibus nostris qui dicuntur de offic[io] in esculentis et poculentis uictum sibi exhibeatur robamque contra Natale domini de secta predictorum seruiencium de offic[io] recipiat et pro minutis necessariis singulis annis percipiat prout predicti seruientes percipere dinoscuntur etiam si processu temporis dictum Thomam contingat debilitar[i] uel infirmar[i] quod ad mensam non possit comode accedere recipiat quamdiu sit in uilla uel apud nos duos panes seruiencium predictorum de offic[io] et unum galonem et dimidium de ceruisia predictorum seruiencium unum potagium unum ferculum de coquina abbatis secundum temporum congruentiam et secundum quod predicti seruientes de offic[io] percipere consueuerunt In cuius rei testimonium huic scripto sigillum commune capituli nostri duximus apponendum Datum apud Egnesham in predicto capitulo nostro die Mercurii proxima post festum sancti Barnabe apostoli anno regni regis Edwardi filii regis Edwardi sexto decimo