Charter Document - 00910550
| Charter Number: | 00910550 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1321 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f136r) |
Charter:
Edwardus [] omnibus [salutem] Sciatis quod cum per litteras nostras patentes concesserimus et licenciam dederimus pro nobis et heredibus nostris quantum in nobis est dilectis nobis in Christo abbati et conuentui de Egnesham quod ipsi terras tenementa et redditus cum pertinenciis ad valorem uiginti marcarum per annum iuxta uerum valorem eorundem tam de feodo suo proprio quam alieno exceptis terris tenementis et reditibus que de nobis tenentur in capite adquirere possint habenda et tenenda sibi et successoribus suis imperpetuum statuto de terris et tenementis ad manum mortuam non ponendis edito non obstante prout in litteris nostris predictis plenius continetur nos volentes concessionem nostram predictam effectui debito mancipari concessimus et licenciam dedimus pro nobis et heredibus nostris quantum in nobis est Roberto de Trillawe et Isabelle uxori eius quod ipsi unum mesuagium quadraginta acras terre et duas acras prati cum pertinentiis in Suthabbotestoke que de nobis non tenentur et que ualent per annum in omnibus exitibus iuxta uerum ualorem eorundem ultra seruicia eis debita quatuor solidos sicut per inquisicionem inde per dilectum et fidelem nostrum Ricardum de Rodeneye escaetorem nostrum citra Trentam de mandato nostro factam et in cancellariam nostram retornatam est compertum dare possint et assignare eisdem abbati et conuentui habenda et tenenda sibi et successoribus suis imperpetuum in partem satisfaccionis uiginti marcatarum terre et tenementorum et reddituum predictorum et eisdem abbati et conuentui quod ipsi predicta mesuagia terras et prata cum pertinenciis a prefato Roberto et Isabella recipere possint et tenere sibi et successoribus suis imperpetuum sicut predictum est tenore presencium similiter licenciam dedimus specialem statuto predicto non obstante nolentes quod predicti Robertus et Isabella uel heredes sui aut predicti abbas et conuentus seu successores sui racione statuti predicti per nos uel heredes nostros inde occasionentur in aliquo seu grauentur saluis tamen capitalibus dominis feodi illius seruiciis inde debitis et consuetis In cuius rei testimonium has literas nostras sibi fieri fecimus patentes Teste me ipso apud Marleberge quinto die Ianuarii anno regni nostri quarto decimo