Charter Document - 00910547
| Charter Number: | 00910547 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1318 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f135r) |
Charter:
Edwardus dei gracia rex Anglie dominus Hibernie et dux Aquitannie omnibus ad quos presentes littere peruenerint salutem Sciatis quod de gracia nostra speciali concessimus et licenciam dedimus pro nobis et heredibus nostris quantum in nobis est dilectis nobis in Christo abbati et conuentui de Egnesham quod ipsi terras tenementa et redditus cum pertinenciis usque ad ualorem uiginti marcarum per annum iuxta uerum valorem eorundem tam de feodo proprio quam alieno exceptis terris tenementis et reditibus que de nobis tenentur in capite adquirere possint habenda et tenenda sibi et successoribus suis imperpetuum statuto de terris et tenementis ad manum mortuam non ponendis edito non obstante dum tamen per inquisiciones inde in forma debita faciendas et in cancellaria nostra uel heredum nostrorum rite retornandas compertum sit quod id fieri poterit absque dampno et preiudicio nostro et heredum nostrorum ac alterius cuiuscunque In cuius rei testimonium has litteras nostras fieri fecimus patentes Teste me ipso apud Westm xvi die Marcii anno regni nostri undecimo