Charter Document - 00910546
| Charter Number: | 00910546 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1317 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f134v) |
Charter:
Edwardus dei gracia [] escaetori suo citra Trentam qui pro tempore fuerit salutem Cum celebris memorie dominus Edwardus quondam rex anglie pater noster primo die Iunii anno regni sui tricesimo quinto comperto per recordum et processum loquele que fuit coram Salamone de Roff et sociis suis dudum iusticiariis ipsius patris nostri tunc ultimo itinerantibus in comitatu Oxonie per breue ipsius patris nostri de recto inter ipsum patrem nostrum et bone memorie Oliuerum quondam episcopum Lincolniensem de aduocacione abbathie de Egnesham quod predictus episcopus maius ius habuit in aduocacione abbathie predicte quam predictus pater noster mandasset per breue suum Waltero de Gloucestria tunc escaetori suo citra Trentam quod de abbathia predicta seu aliquibus ad eam pertinentibus que occasione mortis [] quondam abbatis loci illius ceperat in manum ipsius patris nostri se ulterius non intromittat sicut per inspeccionem rotulorum cancell[arie] ipsius patris nostri nobis constat nos que ad requisicionem venerabilis patris I nunc episcopi Lincolniensis premissa per inspeccionem rotulorum et recordi et processus predictorum duxerimus exemplificanda prout in litteris nostris patentibus eidem episcopo inde confectis plenius continetur uobis mandamus quod ipsum episcopum uel successores suos super aduocacione abbathie predicte seu aliquibus ad eam pertinentibus quandocunque vacare contigerit non molestetis seu grauetis contra tenorem litterarum nostrarum predictarum Teste me ipso apud Claryndone xxvi die Martii anno regni nostri decimo