Charter Document - 00910544
| Charter Number: | 00910544 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1317 |
| Date type: | Internal, Feast, Regnal |
| Resource Link(s): |
Bodleian Library - Christ Church MS 341 (f134r) |
Charter:
Uniuersis [] Iohannes permissione diuina abbas Egneshamie et eiusdem loci conuentus salutem in domino sempiternam Nouerit uniuersitas uestra nos concessisse Willelmo filio Thome de la Grene de Cliue Prioris quoad uixerit officium locutorii nostri exterioris pro seruicio suo in dicto officio bene et fideliter perficiendo et percipiat de elemosinario singulis ebdomadis tres panes monachales in excambium vii cantellorum prius per singulas ebdomadas seruientibus in dicto officio liberatorum et septem panes de panibus elemosinarii consuetos et singulis diebus unam lagenam bone ceruisie et potagium de conuentu et unum ferculum prout alii seruientes in dicto officio percipere consueuerunt et tres ulnas panni de secta seruiencium de offic[io] ita quod tres solidos quos alii seruientes in eodem officio ab elemosinario hactenus percipere consueuerunt exnunc cellerarius qui pro tempore fuerit plenarie percipiat et hospitabitur in elemosinar[ia] iuxta maiorem seruientem ibidem dum solutus fuerit et si contingat dictum Willelmum infirmari uel absentem esse inueniat aliquem idoneum loco suo qui uice sua faciat quod incumbit In cuius [] Datum in capitulo nostro apud Egnesham die Lune proxima post festum Purificacionis beate Marie anno regni regis Edwardi filii regis Edwardi decimo