Charter Document - 00910543
| Charter Number: | 00910543 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1311 |
| Date type: | Internal, A.D., Calendar |
| Resource Link(s): |
Bodleian Library - Christ Church MS 341 (f133v) |
Charter:
Uniuersis [] Adam permissione diuina abbas Egneshamie et eiusdem loci conuentus salutem in domino sempitemam Nouerit uniuersitas uestra nos concessisse dilecto clerico nostro magistro Alano de Horncastre rectori ecclesie de Cercedene unam robam de secta clericorum nostrorum videlicet terciam partem panni integri cum pellura consueta singulis annis de domo nostra predicta pro seruicio suo nobis et monasterio nostro quociens indiguerimus sumptibus nostris fideliter impendendo sub forma que sequitur percipiendam uidelicet quod si contingat predictum Alanum per nos uel alios seu alium quemcunque ad beneficium ecclesiasticum uberius promoueri uel eciam nobis et monasterio nostro quociens ex parte nostra racionabiliter fuerit premunitus in officio suo quo hactenus usus est sumptibus nostris fideliter et prompte non famulari extunc cesset prestacio robe supradicte et omnis uia eandem petendi finaliter eidem sit preclusa Preterea si contigerit nos per guerram uel per graues exacciones in tantum onerari quod robas clericorum non dederimus quod absit dictus Alanus illo anno roba sua penitus careat In quorum omnium testimonium huic scripto indentato sigillum nostrum commune una cum sigillo dicti Alani alternatim sunt appensa Datum in capitulo nostro Egneshamie xi Kalendas Septembris anno domini MCCCXI