Charter Document - 00910534
| Charter Number: | 00910534 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1314 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f129r) |
Charter:
Edwardus Iohanni Abel eschaetori [] Cum per finem quem dilectus nobis in Christo abbas de Egnesham fecit nobiscum concesserimus et licenciam dederimus quantum in nobis est eidem abbati et conuentui eiusdem loci quod ipsi duas virgatas terre cum pertinenciis in Wythefelde quas predecessores ipsius abbatis et conuentus una cum aduocacione ecclesie eiusdem uille in feodo sibi et domui sue per magnum tempus ante publicacionem statuti de terris et tenementis ad manum mortuam non ponendis editi adquisierunt et quam quidem ecclesiam similiter ante publicacionem statuti predicti appropriarunt sibi et successoribus predictis in proprios usus imperpetuum possidendam licencia alicuius progenitorum nostrorum seu nostra hactenus super hoc non obtenta retinere possint et habere sibi et successoribus suis imperpetuum prout in litteris nostris patentibus eisdem abbati et conuentui inde confectis plenius continetur vobis mandamus quod prefatos abbatem et conuentum contra tenorem litterarum nostrarum predictarum non molestetis in aliquo seu grauetis Teste me ipso apud Ebor[acum] vi die Maii anno regni nostri septimo