Charter Document - 00910533
| Charter Number: | 00910533 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1314 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f129r) |
Charter:
Edwardus dei gracia [] omnibus [] salutem Quia accepimus per inquisicionem quam nuper per dilectum et fidelem nostrum Iohannem Abel eschaetorem nostrum citra Trentam fieri fecimus quod non est ad dampnum nec preiudicium nostrum aut aliorum si concedamus dilectis nobis in Christo abbati et conuentui de Egnesham quod ipsi duas virgatas terre cum pertinentiis in Withefeld quas predecessores ipsorum abbatis et conuentus una cum aduocacione ecclesie eiusdem uille in feodo sibi et domui sue per magnum tempus ante publicacionem statuti de terris et tenementis ad manum mortuam non ponendis editi adquisierunt et quam quidem ecclesiam similiter ante publicacionem statuti predicti appropriarunt sibi et successoribus predictis in proprios usus imperpetuum possidendam licencia alicuius progenitorum nostrorum seu nostra hactenus super hoc non optenta retinere possint et habere sibi et successoribus suis imperpetuum et quod ignoratur propter diuturnitatem temporis de quo uel de quibus predicte terra et aduocacio teneantur vel per quod seruicium nos securitati eorundem abbatis et conuentus ne occasione premissorum possint futuris temporibus inde occasionari aliqualiter seu molestari volentes prospicere in hac parte per finem quem idem abbas fecit nobiscum concessimus et licenciam dedimus pro nobis et heredibus nostris quantum in nobis est eidem abbati et conuentui quod ipsi terram predictam cum pertinenciis necnon et dictam ecclesiam in usus proprios sic appropriatam retinere possint et habere sibi et successoribus suis predictis imperpetuum sicut predictum est sine occasione uel impedimenta nostri uel heredum nostrorum iusticiariorum escaetorum vicecomitum aliorum balliuorum seu ministrorum nostrorum quorumcumque saluis tamen tam nobis quam dominis feodi illius seruiciis inde debitis et consuetis In cuius rei [] Teste rege apud Westmonasterium xii die Marcii anno regni nostri vii per finem decem librarum