Charter Document - 00910532
| Charter Number: | 00910532 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Inquest |
| Date: | 1314 |
| Date type: | Internal, Feast, Regnal |
| Resource Link(s): |
Bodleian Library - Christ Church MS 341 (f128v) |
Charter:
Inquisicio capta apud Aynho die Martis proxima post festum sancti Hilarii anno regni regis Edwardi filii regis Edwardi vii coram Thoma de Caue subeschaetore domini regis in comitatu Norhamptone iuxta tenorem cuiusdam breuis sibi directi per sacramentum Thome de Grutteworthe Roberti Cornwaleys Radulfi Germeyn Willelmi le Riche Ricardi de Burgo Nicholai Tyarde Walteri Home Roberti de Coleworthe Roberti Soudan Petri le Cras Thome Abraham et Rogeri le Irmongher iuratorum qui dicunt super sacramentum suum quod non est ad dampnum nec ad preiudicium domini regis aut aliorum si dominus rex concedat abbati et conuentui de Egnesham quod ipsi duas virgatas terre cum pertinentiis in Wihtfelde et aduocacionem ecclesie eiusdem uille in proprios vsus retinere possint in puram et perpetuam elemosinam sibi et successoribus suis imperpetuum Et de quo vel de quibus predicta terra et aduocacio ecclesie predicte tenentur in capite ignorant propter diuturnitatem temporis nec per quod seruicium Et dicunt quod predicta terra per se ualet per annum x solidos et ecclesia per se valet per annum xl solidos Et dicunt quod quidam predecessor predicti abbatis loci predicti adquisiuit predictam terram et aduocacionem predictam a tempore a quo non extat memoria tenendas in puram et perpetuam elemosinam In cuius [] die et anno supradictis