Charter Document - 00910530
| Charter Number: | 00910530 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1314 |
| Date type: | Internal, Feast, Regnal |
| Resource Link(s): |
Bodleian Library - Christ Church MS 341 (f128r) |
Charter:
Uniuersis [] Radulfus frater Iohannis le Long filii et heredis Iohannis le Long de Wykerisyndone salutem in domino sempiternam Nouerit vniuersitas uestra me remisisse et imperpetuum quietum clamasse religiosis uiris abbati de Eynesham et eiusdem loci conuentui totum ius et clamium quod habui seu aliquo modo habere potui in quibuscunque terris tenementis reditibus et seruiciis cum eorum pertinenciis que Iohannes de Trillawe habuit ex dono et feoffamento Roberti le Long fratris mei seu alterius cuiuscunque in Wykerisindone supradicta et de quibus idem Iohannes de Trillawe prefatos abbatem et conuentum feoffauit ita quod nec ego uel heredes mei seu aliquis nomine nostro quicquam iuris uel clamii in predictis terris tenementis reditibus et seruiciis cum eorum pertinenciis inposterum uendicare valeamus In cuius [] hiis testibus Edmundo de Dene Waltero atte Mershe de Wykerisyndone Iohanne de Lambourne Roberto Page Willelmo Belegraue Thoma Bonuallet Ricardo Halewy et multis aliis Datum apud Egnesham die Mercurii proxima post festum sancti Georgii anno regni regis Edwardi filii regis Edwardi septimo