Charter Document - 00910523
| Charter Number: | 00910523 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Lay |
| Charter Type(s): | Licence |
| Date: | 1313 |
| Date type: | Internal, Feast, Regnal |
| Resource Link(s): |
Bodleian Library - Christ Church MS 341 (f125r) |
Charter:
Vniuersis [] Willelmus de Lucy dominus Wyke Rysindon salutem in domino sempiternam Nouerit uniuersitas uestra me concessisse pro me et heredibus meis et licenciam dedisse specialem Iohanni de Trillawe quod ipse unum mesuagium omnes terras et tenementa redditus et seruicia que habuit et perquisiuit ex dono et feoffamento Roberti le Lung in Wyke Risyndon et etiam nouem acras terre quas habuit et perquisiuit ex dono et feoffamento Roberti de Aston que de me mediate uel immediate qualitercunque tenebantur dare possit et assignare in puram et perpetuam elemosinam religiosis uiris abbati et conuentui monasterii de Egnesham non obstante statuto contrario nuper inde prouiso quod religiosi feoda aliquorum sine licencia et uoluntate capitalium dominorum de quibus feoda illa immediate tenentur nullatenus ingredientur et eisdem religiosis quod predictum mesuagium predictas terras et tenementa redditus et seruicia cum pertinenciis ex dono prefati Iohannis recipere habere et tenere ualeant sibi et successoribus suis in perpetuam elemosinam ut premittitur in perpetuum sine calumpnia uel onere mei uel heredum meorum habenda et tenenda eisdem abbati et conuentui libere quiete integre sub forma superius annotata ita quod nec ego nec heredes mei nec aliquis alius nomine meo in predictis mesuagio terris tenementis reditibus et seruiciis cum pertinenciis aliquid iuris uel clamii de cetero exigere uel uendicare poterimus in futurum Hiis testibus Philippo de Tenacre Roberto de Nethercote Iohanne de Nethercote Waltero de Mareys de Wyke Willelmo de Medecroft de eadem Willelmo de Dorne de eadem et Hugone le Spencer de eadem Datum apud Wyke die Lune in crastino sancte Katerine virginis anno regni regis Edwardi filii regis Edwardi septimo