Charter Document - 00910522
| Charter Number: | 00910522 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Lay |
| Charter Type(s): | Licence |
| Date: | 1313 |
| Date type: | Internal, Feast, Regnal |
| Resource Link(s): |
Bodleian Library - Christ Church MS 341 (f124v) |
Charter:
Uniuersis [] Walterus de Westmanecot salutem in domino sempiternam Nouerit uniuersitas uestra me concessisse pro me et heredibus meis et licenciam dedisse specialem Iohanni de Trillawe quod ipse vnum mesuagium omnes terras et tenementa redditus et seruicia que habuit et perquisiuit ex dono et feoffamento Roberto le Long fratris et heredis Iohannis le Long in Wike Risindone et eciam nouem acras terre quas habuit et perquisiuit ex dono et feoffamento Roberti de Aston que de me tenet in eadem dare possit et assignare in perpetuam elemosinam religiosis uiris abbati de Egnesham et eiusdem loci conuentui non obstante statuto contrario nuper inde prouiso quod religiosi feoda aliquorum sine licencia et uoluntate capitalium dominorum de quibus feoda illa immediate tenentur nullatenus ingredientur et eisdem religiosis quod predictum mesuagium predictas terras et tenementa redditus et seruicia cum pertinenciis ex dono prefati Iohannis recipere habere et tenere ualeant sibi et successoribus suis in perpetuam elemosinam vt predictum est sine calumpnia mei vel heredum meorum imperpetuum habenda et tenenda predictis abbati et conuentui et eorum successoribus de proximis superioribus capitalibus dominis feodi illius per seruicia inde debita et consueta nichil michi vel heredibus meis iuris vel dominii in eisdem penitus reseruando sed ex nunc omnia onera et seruicia hactenus ab eisdem terris et tenementis cum pertinenciis michi debita eidem Iohanni quieta clamo et specialiter remitto per presentes In cuius [] hiis testibus Willelmo filio et herede meo Edmundo de Dene Roberto Page Roberto de Nethercot Iohanne le Uileyn de Brode Risyndone Philippo de Tenacr de eadem Waltero atte Mershe de Wike predicta et multis aliis Datum apud Westmanecote die Martis proxima post festum Circumcisionis Domini anno regni regis Edwardi filii regis Edwardi sexto