Charter Document - 00910521
| Charter Number: | 00910521 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1312 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f124v) |
Charter:
Edwardus dei gracia rex Anglie dominus Hybernie et dux Aquitannie omnibus ad quos presentes littere peruenerint salutem Licet de communi consilio regni nostri statutum sit quod non liceat viris religiosis seu aliis ingredi feodum alicuius ita quod ad manum mortuam deueniat sine Iicencia nostra et capitalis domini de quo res illa immediate tenetur per finem tamen quem Iohannes de Thrillawe clericus fecit nobiscum concessimus et licenciam dedimus pro nobis et heredibus nostris quantum in nobis est eidem Iohanni quod ipse unum mesuagium et vnam carucatam terre cum pertinenciis in Wike Risyngdone dare possit et assignare dilectis nobis in Christo abbati et conuentui de Egnesham habenda et tenenda sibi et successoribus suis imperpetuum et eisdem abbati et conuentui quod ipsi predicta mesuagium et terram cum pertinenciis a prefato Iohanne recipere possint et tenere sibi et successoribus suis imperpetuum sicut predictum est tenore presencium similiter licenciam dedimus specialem nolentes quod predictus Iohannes vel heredes sui aut prefati abbas et conuentus seu successores sui racione statuti predicti per nos vel heredes nostros inde occasionentur in aliquo seu grauentur saluis tamen capitalibus dominis feodi illius seruiciis inde debitis et consuetis In cuius rei testimonium has litteras nostras fieri fecimus patentes Teste me ipso apud Wyndes vicesimo die Octobris anno regni nostri sexto