Charter Document - 00910517
| Charter Number: | 00910517 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1305 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f123r) |
Charter:
Edwardus dei gracia rex Anglie dominus Hybernie et dux Aquitanie uenerabili in Christo patri I eadem gracia episcopo Lincolniensi salutem Cum transcriptum pedis cuiusdam finis in curia domini Henrici regis patris regis nunc anno regni sui vicesimo coram Willelmo de Eboraco sociis suis dudum iusticiariis eiusdam patris regis nunc itinerantibus in comitatu Suthamptone leuati inter Luciam de Arderne petentem et Nicholaum quondam abbatem de Egnesham tenentem de aduocacione ecclesie de Sulthorne cum pertinentiis coram nobis certis de causis venire fecimus in quo continetur quod predicta Lucia de Arderne remisit et quietum clamauit de se et heredibus suis eidem abbati et successoribus suis et ecclesie sue de Egnesham totum ius et clamium quod habuit in tota predicta advocacione cum pertinentiis imperpetuum ac ex parte Thome nunc abbatis de Egnesham accepimus quod quedam Lucia que fuit vxor Thome de Leukenor aduocacionem predictam predicto abbati nunc deforc[iat] contra formam finis predicti per quod vicecomiti nostro Oxonie precepimus quod scire faceret predicte Lucie que fuit vxor predicti Thome per duos liberos et legales homines de comitatu suo quod esset coram nobis in octabis sancte Trinitatis vbicunque tunc essemus in Anglia ad ostendendum si quid pro se haberet vel dicere sciret quare predictus abbas qui nunc est aduocacionem ecclesie predicte habere non deberet iuxta formam finis predicti et ulterius factura et receptura quod curia nostra consideraret in hac parte que licet sufficienter premunita coram nobis ad prefatum terminum uenire non curauit uobis mandamus quod non obstante reclamacione dicte Lucie que fuit uxor predicti Thome de Leukenor idoneam personam ad eandem ecclesiam ad presentacionem dicti abbatis admittatis Teste R le Brabazoun apud Westmonasterium xxvi die Iunii anno regni nostri tricesimo tercio