Charter Document - 00910511
| Charter Number: | 00910511 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Court Record |
| Date: | 1300 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f121r) |
Charter:
Rex uicecomiti Oxonie salutem Questus est nobis abbas de Egnesham quod priorissa de Garynge Iohannes de la Dene de Mapeldurham Hugo Duriual Hugo le Mareschall Robertus Belenfaunt Willelmus Belebouche Iohannes le Warde et Walterus le Messer iniuste et sine iudicio disseysiuerunt eum de communa pasture sue in Garinge que pertinet ad liberum tenementum suum in eadem villa post primam transfretacionem domini Henrici regis patris nostri in Uasconiam Et ideo tibi precipimus quod si predictus abbas fecerit te securum de clamio suo presequendo tunc facias xii liberos et legales homines de visn[eto] illo videre pasturam illam et ten[ementum] et nomina eorum in breui et summone eos per bonos summonitores quod sint coram dilectis et fidelibus nostris Iohanne de Batesforde et Ricardo Pike et hiis quos sibi assoc[iauerint] ad certos diem et locum quos iidem I et R tibi scire facient parati inde facere recognicionem Et pone per vad[ium] et saluos plegios predictos priorissam Iohannem Hugonem Hugonem Robertum Willelmum Iohannem et Walterum uel balliuos suos si ipsi inuenti non fuerint quod tunc sint ibi audituri illam recognicionem Et habeas ibi summonitores nomina plegiorum et hoc breue Teste me ipso apud Westmonasterium xii die Marcii anno regni nostri xxviii