Charter Document - 00910494
| Charter Number: | 00910494 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1291 |
| Date type: | Internal, Calendar, Regnal |
| Resource Link(s): |
Bodleian Library - Christ Church MS 341 (f112v) |
Charter:
Edwardus dei gracia rex Anglie dominus Hybernie et dux Aquitannie omnibus ad quos presentes littere peruenerint salutem Licet de communi consilio regni nostri prouiderimus quod non liceat uiris religiosis seu aliis ingredi feodum alicuius ita quod ad mortuam manum deueniat sine licencia nostra et capitalis domini de quo res illa immediate tenetur uolentes tamen dilecto et fideli nostro Iohanni Giffard graciam facere specialem dedimus ei licenciam quantum in nobis est quod ipse quatuor mesuagia et unum toftum cum pertinenciis in Oxonia dare possit et assignare dilectis nobis in Christo priori et conuentui ordinis sancti Benedicti Oxonie habenda et tenenda eisdem priori et conuentui et successoribus suis in perpetuum et eisdem priori et conuentui quod mesuagium et toftum predicta ab eodem Iohanne recipere possint similiter licenciam concedimus specialem nolentes quod idem Iohannes uel heredes sui aut predicti prior et conuentus uel successores sui racione statuti predicti per nos uel heredes nostros inde occasyonentur in aliquo uel grauentur saluis tamen capitalibus dominis feodi illius seruiciis inde debitis et consuetis In cuius rei testimonium has litteras nostras fieri fecimus patentes teste me ipso apud Longam Icchentone xii die Marcii anno regni nostri decimo nono