Charter Document - 00910491
| Charter Number: | 00910491 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1281 - 1307 |
| Date type: | Assigned |
| Resource Link(s): |
Bodleian Library - Christ Church MS 341 (f111v) |
Charter:
Uniuersis [] Henricus filius Iohannis de la Bertone de Egnesham salutem in domino sempiternam Nouerit uniuersitas uestra me remisisse relaxasse et totaliter pro me et heredibus meis imperpetuum quietum clamasse religiosis viris domino dei gracia abbati de Egnesham et eiusdem loci conuentui totum ius et clamium quod habui seu aliquo modo habere potui in quibuscunque terris seu tenementis infra precinctum manerii de Egnesham cum membris suis de Tilgarsle et la Hamstalle que michi racione alicuius antecessoris mei seu eciam proprie seysine mee descendere reuerti uel accidere quoquomodo poterint in futurum Remisi eciam eisdem abbati et conuentui totum ius meum et clamium si quod habui in quibuscunque aliis terris seu tenementis pro quibus per cartam suam uel sine carta ad warrantyam qualitercunque fuerint obligati ita quod nec ego uel heredes mei seu aliquis nomine nostro quicquam iuris uel clamii in eisdem tenementis seu eorum aliquo imposterum vendicare ualeamus Pro hac autem remissione [] dederunt michi dicti religiosi uiginti solidos sterlingorum pre manibus In cuius [] hiis testibus Edmundo de Wodestoke Thoma le Harpur Ada de Dunhalle Ricardo de Seyn Oweyn Iohanne de Norhtleye Willelmo le Bedel de eadem Ricardo Bacun Iohanne Morel Thoma Alberd et multis aliis