Charter Document - 00910465
| Charter Number: | 00910465 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1254 - 1258 |
| Date type: | Assigned |
| Resource Link(s): |
Bodleian Library - Christ Church MS 341 (f104v) |
Charter:
Henricus permissione diuina Lincolniensis episcopus dilectis in Christo filiis abbati et conuentui Egneshamie salutem graciam et benediccionem Dignum est iustis petencium desideriis facilem consensum prebere et uota que a racionis tramite non discordant optato fini et effectui debito mancipare Cum itaque bone memorie Robertus Bluet quondam Lincolniensis episcopus omnes decimas tam maiores quam minores prouenientes de dominicis episcopatus in parochiis de Bannebiria Croperia Thama Midiltona monasterio uestro tam ipsius monasterii quam ecclesie Lincolniensis utilitate pensata concedendas duxerit et assignandas prout in instrumentis inde confectis per uos nobis exhibitis perpendimus penitus contineri uosque quod a predicto predecessore nostro factum est in hac parte postulaueritis humiliter per nos nostrumque capitulum approbari ac confirmacionis nostre et capituli nostri patrocinio communiri nos precibus uestris inclinati paci etiam et tranquillitati necnon et securitati prouidere cupientes habito super hoc cum capitulo nostro tractu diligenti pariter et solempni pensatis pensandis et consideratis diligenter que in hac parte fuerint consideranda de assensu et uoluntate Ricardi tunc decani et capituli nostri Lincolniensis ecclesie omnes decimas maiores prouenientes de dominicis episcopatus nostri in maneriis supradictis una cum decima lane prouenientis de domo nostra propria in parochia de Croperia et de domo nostra propria in parochia de Bannebery uobis concedimus et auctoritate pontificali confirmamus uobis et successoribus uestris perpetuis temporibus integre et pacifice possidendas Canonici autem rectores ecclesiarum dictorum maneriorum seu eorum uicarii omnes alias minores decimas cum integritate percipiant salua uobis decima lane supradicta composicionibus personalibus initis inter uos ex una parte et rectorem de Bannebiria ac rectorem et uicarium de Croperia ex altera suo robore duraturis Quibus processu temporis expirantibus nostra confirmacio supradicta in premissis uniuersis et singulis plenum robur optineat firmitatis saluis in omnibus episcopalibus iur[ibus] et consuetudinibus ac Lincolniensis ecclesie dignitate In cuius rei robur et testimonium tam nos quam capitulum nostrum memoratum sigilla nostra huic scripto duximus apponenda Datum Lincolnie []