Charter Document - 00910462
| Charter Number: | 00910462 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1285 |
| Date type: | Internal, Regnal |
| Resource Link(s): |
Bodleian Library - Christ Church MS 341 (f103v) |
Charter:
Placita de quo waranto coram Salomone de Roff et sociis suis iusticiariis itinerantibus in comitatu Oxonie anno regni regis Edwardi xiii Willelmus de Giselham qui sequitur pro rege petit uersus Oliuerum episcopum Lincolniensem aduocacionem abbathie de Egnesham quam domino regi iniuste deforciat et unde dicit quod dominus Henricus rex proauus domini regis nunc fuit in seysina de predicta abbathia tempore uacacionis [] ut de feodo et iure tempore pacis presentando ad eandem quendan Iohannem qui ad presentacionem suam in abbatem fuit admissus per episcopum [] Et Oliuerus episcopus uenit et defendit ius suum et seysinam domini Henrici regis proaui ut de feodo et iure et totum [] et ponit se in iuratores patrie loco magne assise domini regis et petit recognicionem fieri utrum ipse maius ius habeat in aduocacionem predicte abbathie an dominus rex Et Robertus Maudut Iohannes Mauduyt Robertus de Romeny Henricus de Dichele Walterus Douuyle Walterus de Wihgthulle Symon de Praeus Robertus de Romeny Iohannes de Praeus Alanus de Craule Iohannes Golafre et Rogerus de Noers milites ad hoc electi dicunt per sacramentum suum quod predictus Oliuerus episcopus [] maius ius habet in predicta aduocacione abbathie de Egnesham sicut eam tenet quam dominus rex