Charter Document - 00910426
| Charter Number: | 00910426 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1268 - 1281 |
| Date type: | Assigned |
| Resource Link(s): |
Bodleian Library - Christ Church MS 341 (f96v) |
Charter:
Omnibus [] Nouerit uniuersitas uestra nos dedisse concessisse [] Willelmo de Clere piscatori Oxonie et Margarete prime uxori sue quamdiu uixerint unam domum cum toto edificio super magnum pontem in suburbio Oxonie illam que sita est inter domum Thome de Orliens ex una parte et domum Walteri Longi ex altera habendum et tenendum dictum tenementum dicto Willelmo et Margarete prime uxori sue quamdiu uixerint uel eorum alter uel altera libere quiete bene et in pace reddendo inde annuatim quoad uixerint nobis et successoribus nostris uiginti solidos sterlingorum ad quatuor anni terminos in burgo Oxonie generaliter statutos et similiter predicti Willelmus et Margareta coniunctim uel diuisim dictas domos sustinebunt in eodem statu in quo ipsi eas receperunt uel in meliori si per ipsos fieri potest Sin autem non fiat administracio bonorum suorum in testamento unius siue utriusque quousque dicte domus dimitte quod absit siue deteriorate per uisum bonorum et legalium uirorum sint correcte siue ad pristinum statum emendate Et nos [] quoad uixerint Pro hac autem donacione [] dederunt predicti Willelmus et Margareta conuentui pro sigillo suo unam marcam pre manibus in gersummam In cuius [] hiis testibus Ricardo Waldr[i] Rogero de Trillemulle Willelmo le Deueneys Hugone P[ar]mencario Waltero Rufo et aliis