Charter Document - 00910391
| Charter Number: | 00910391 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1268 - 1281 |
| Date type: | Assigned |
| Resource Link(s): |
Bodleian Library - Christ Church MS 341 (f90r) |
Charter:
Omnibus [] Iohannes miseracione diuina [] Nouerit uniuersitas uestra nos concessisse et hac presenti carta nostra confirmasse Thome filio Willelmi prepositi de Wolgericote quod stet in libero seruicio nostro omnibus diebus uite sue et quod percipiat in robis et cibariis sicut liberi seruientes abbatis percipiunt et quod comedat et bibat coram domino abbate cum dictis liberis seruientibus suis quociens domi fuerit si uero contingat ipsum infirmari uolumus et concedimus quod percipiat singulis diebus de celario nostro unum panem monachalem et unum galonem et dimidium seruisie melioris et etiam de coquina sicut dicti liberi seruientes abbatis percipiunt et ad opus garcionis sui unum panem integrum maioris ponderis et de coquina sicut garciones abbatis percipiunt Cum uero conualuerit et potens sui fuerit uolumus quod ipse reuertatur ad seruicium suum in quo prius stetit Concessimus insuper eidem unum equum ad fenum nostrum quamdiu uixerit Pro hac autem concessione [] dedit nobis predictus Thomas uiginti marcas sterlingorum pre manibus in gersummam Ut hec autem []