Charter Document - 00910390
| Charter Number: | 00910390 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1268 - 1281 |
| Date type: | Assigned |
| Resource Link(s): |
Bodleian Library - Christ Church MS 341 (f89v) |
Charter:
Omnibus [] Iohannes miseracione diuina abbas Egneshamie et eiusdem loci conuentus salutem in domino sempiternam Nouerit uniuersitas uestra nos dedisse [concessisse et hac presenti carta nostra confirmasse] Iohanni Morel filio Henrici Morel de Egnesham pro homagio et seruicio suo quoddam mesuagium in uilla de Egnesham cum curtillagio columbario et duabus partibus crofte quam integre habuimus cum supradictis mesuagio columbario et curtillagio de dono Iohannis portarii de Egnesham quod quidem mesuagium situm est inter domum que quondam fuit Roberti Butte ex parte una et domum nostram quam Willelmus le Stede inhabitat ex altera habendum et tenendum predicto Iohanni Morel et heredibus suis de nobis et successoribus nostris libere et quiete bene et in pace in perpetuum reddendo inde annuatim nobis et successoribus nostris ipse et heredes sui octo solidos argenti ad quatuor anni terminos uidelicet ad festum sancti Michaelis duas solidos et ad festum sancti Thome apostoli duas solidos et ad festum sancte Marie in Marcio duas solidos et ad festum sancti Iohannis Baptiste duas solidos pro omni seruicio consuetudine exaccione et demanda ad nos pertinente saluis nobis et successoribus nostris duabus sectis curie per annum scilicet ad Hokeday et ad festum sancti Michaelis et etiam afforciamentis curiarum Uolumus insuper quod nec idem Iohannes nec heredes sui predictum mesuagium cum suis pertinenciis supradictis aliquibus uiris religiosis uendere dare uel assignare seu alienare possint nisi nobis et successoribus nostris nec etiam alicui magnati per quem possimus nos et successores nostri aliquo modo uexari nec in iudaismo impignorare nobis inconsultis Pro hac autem donacione [concessione et presentis carte nostre confirmacione] dedit nobis predictus Iohannes quadraginta solidos sterlingorum per manibus in gersummam Nos uero dicti abbas [et conventus et successores nostri predictum mesuagium cum suis pertinentiis supradictis contra omnes homines pro predicto servitio warantizabimus acquietabimus et defendemus in perpetuum] Et ut [hec nostra donacio concessio et presentis carte nostre confirmacio perpetue firmitatis robur optineant presenti scripto sigilla nostra apposuimus his testibus] []