Charter Document - 00910388
| Charter Number: | 00910388 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1264 - 1268 |
| Date type: | Assigned |
| Resource Link(s): |
Bodleian Library - Christ Church MS 341 (f89r) |
Charter:
Prudenti uiro ac amico in Christo karissimo I de Carnes archid[iacono] [] in Ostrevan domini pape capellano Alexander abbas et conuentus monasterii de Egnesham ordinis sancti Benedicti Lincolniensis diocesis salutem in domino Prudencie uestre merita et fructuosa obsequia que dudum nobis in monasterio nostro gratanter et liberaliter impendistis consideracione debite gratitudinis attendentes et de uobis in posterum sinceram in nostris negociis et profectibus fiduciam optinentes annuam pensionem [] marc[arum] tredecim solidis et quatuor denariis pro marca qualibet computandis ab omni honere ordinario et extraordinario liberam et immunem in bonis et de bonis monasterii nostri uobis damus concedimus et assignamus et eam uobis uel procuratori uestro aut nuncio Lond[oniis] in domo Milicie Templi in festo Natiuitatis beati Iohannis Baptiste annis singulis quamdiu uixeritis soluere uel si ibidem dicto festo uos uel procurator uester seu nuncius reperti non fueritis nomine et uice uestra eisdem loco et termino apud teshaurarium dicte domus deponere promittimus uobis uel procuratori uestro cuin petieritis libere persoluendam Ita tamen quod si uos contingeret religioni ingredi et profiteri in ea aut ad episcopalem uel superiorem dignitatem promoueri ex tunc nos et successores nostri et monasterium nostrum a prestacione huiusmodi pensionis simus liberi et immunes Promittimus quoque uobis dampna et expensas integre resarcire super quibus uestro uel procuratoris uestri siue nuncii iuramento sine alia probacione stare teneamur si in huiusmodi pensionis solucione seu deposicione loco et termino cessauerimus supradictis nos et monasterium nostrum et successores nostros et bona eiusdem monasterii uobis proinde specialiter obligantes renuntiando prohibicioni regie constitutioni de duabus dietis conuencioni iudicum et omnibus hiis priuilegiis et indulgenciis undecunque impetratis et impetrandis Promittimus uobis insuper et per [] ad hoc a nobis specialiter deputatum iurauimus predicta omnia et singula seruare attendere et adimplere subicientes nos iurisdiccioni cuiuscunque iudicis coram quo nos uolueritis super predictis in posterum conuenire Et in testimonium predictorum et fidem pleniorem uobis mittimus presentes litteras abbatis nostri et conuentus sigillis munitas Datum []