Charter Document - 00910382
| Charter Number: | 00910382 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1268 - 1281 |
| Date type: | Assigned |
| Resource Link(s): |
Bodleian Library - Christ Church MS 341 (f88r) |
Charter:
Omnibus [Christi fidelibus ad quos presens scriptum peruenerit] Iohannes le Noble filius Hugonis le Noble de Hamstalle salutem in domino sempiternam Nouerit uniuersitas uestra quod cum ego Iohannes le Noble de Hamstalle optinerem ius ad seruiendum in molendino dominorum meorum abbatis et conuentus de Egnesham per cartam eorum inde michi confectam totum predictum seruitium cum omni iure et clamio quod in eodem seruitio per dictam cartam meam aliquando habui uel habere potui dictis dominis meis abbati et conuentui et eorum successoribus pro me et successoribus meis penitus remisi relaxaui et quietum clamaui in perpetuum ita quod nec ego Iohannes nec heredes mei seu aliquis nomine nostro in predicto seruitio aliquod ius uel clamium de cetero habere uel exigere poterimus Pro hac autem remissione [relaxacione quieta clamacione et presentis carte mee confirmacione] dederunt et concesserunt michi dicti abbas et conuentus quoddam mesuagium in uilla de Eygnesham per cartam pro seruicio predicto Ut hec autem [mea donacio remissio relaxacio et quieta clamacio et presentis carte mee confirmacio perpetuam optineant firmitatem presenti scripto sigillum meum apposui] et eorundem cartam quam de predicto seruicio penes me habui ad maiorem securitatem bono animo eis restitui Hiis testibus Roberto le Eyr tunc balliuo de Wdestoke Willelmo de sancto Audoeno Waltero de Cotes Willelmo le Megre Iohanne portario de Eygnesham Iohanne Etun Iohanne Morel et multis aliis