Charter Document - 00910374
| Charter Number: | 00910374 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1268 |
| Date type: | Internal, A.D., Episcopal, Feast |
| Resource Link(s): |
Bodleian Library - Christ Church MS 341 (f87v) |
Charter:
Uniuersis [presentes litteras inspecturis] Hugo permissione diuina episcopus Elyensis salutem in auctore salutis Uniuersitati uestre tenore presencium notum fiat quod nos uicariam ecclesie sancte Etheldrede de Hystone nostre dioecesis cuius taxacionem nobis in littera appropriacionis eiusdem ecclesie facte per nos religiosis uiris abbati et conuentui de Egnesham Lincolniensis dioecesis duximus reseruandam modo subscripto taxamus et porciones infra scriptas eidem uicario et futuro uicario in perpetuum assignamus Decernimus itaque quod uicarius eiusdem ecclesie qui pro tempore fuerit percipiat et habeat omnes oblaciones et obuenciones altaris ecclesie prelibate necnon decimas lane agnorum lini et feni tam abbatis et conuentus predictorum quam aliorum parochianorum et omnes alias decimas minutas quascunque item quod habeat terras et pratum cum hominibus tenentibus cum domibus et terris ipsorum et omnia alia ad predictam ecclesiam spectancia excepta decima garbarum bladi tam abbatis et conuentus quam aliorum parochianorum quam dictis religiosis in usus proprios statuimus conuertendam Quia uero ut nobis uidetur dicta uicarie porcio propter incumbentia uicario diuersa honora est exilis decernimus ut dicti abbas et conuentus per balliuum suum in uilla de Hystone cuilibet uicario qui pro tempore fuerit soluant uel solui faciant in dicta ecclesia annis singulis duas marcas terminis infrascriptis uidelicet in festo sancti Michaelis unam marcam et in festo Resurrectionis dominice unam marcam mansum autem iuxta cimiterium ecclesie uersus orientem a scalario uersus austrum in longitudine usque ad proximam terram seminatam muro eiusdem mansi uicinam in latitudine uero a cimiterio usque ad uiam communem uersus orientem de consensu fratris Walteri prioris Egneshamie et procuratoris abbatis et conuentus loci eiusdem uicario prefate ecclesie ad inhabitandum ibidem perpetuo assignamus mansum uero quondam rectorum eiusdem ecclesie uicinum et contiguum manso religiosorum prefatorum ipsis religiosis in perpetuum totaliter appropriamus et etiam assignamus Ordinamus insuper quod uicarius qui pro tempore fuerit omnia honora ordinaria tam episcopalia quam archidiaconalia debeat sustinere In cuius [rei testimonium sigillum nostrum presenti scripto est appensum] Actum apud Hystone in festo Exaltacionis sancte Crucis anno domini MCCLX octauo pontificatus uero nostri anno undecimo
Source (click image below to view full size)
Markups
Names Markup:
Uniuersis [presentes litteras inspecturis] Hugo permissione diuina episcopus Elyensis salutem in auctore salutis Uniuersitati uestre tenore presencium notum fiat quod nos uicariam ecclesie sancte Etheldrede de Hystone nostre dioecesis cuius taxacionem nobis in littera appropriacionis eiusdem ecclesie facte per nos religiosis uiris abbati et conuentui de Egnesham Lincolniensis dioecesis duximus reseruandam modo subscripto taxamus et porciones infra scriptas eidem uicario et futuro uicario in perpetuum assignamus Decernimus itaque quod uicarius eiusdem ecclesie qui pro tempore fuerit percipiat et habeat omnes oblaciones et obuenciones altaris ecclesie prelibate necnon decimas lane agnorum lini et feni tam abbatis et conuentus predictorum quam aliorum parochianorum et omnes alias decimas minutas quascunque item quod habeat terras et pratum cum hominibus tenentibus cum domibus et terris ipsorum et omnia alia ad predictam ecclesiam spectancia excepta decima garbarum bladi tam abbatis et conuentus quam aliorum parochianorum quam dictis religiosis in usus proprios statuimus conuertendam Quia uero ut nobis uidetur dicta uicarie porcio propter incumbentia uicario diuersa honora est exilis decernimus ut dicti abbas et conuentus per balliuum suum in uilla de Hystone cuilibet uicario qui pro tempore fuerit soluant uel solui faciant in dicta ecclesia annis singulis duas marcas terminis infrascriptis uidelicet in festo sancti Michaelis unam marcam et in festo Resurrectionis dominice unam marcam mansum autem iuxta cimiterium ecclesie uersus orientem a scalario uersus austrum in longitudine usque ad proximam terram seminatam muro eiusdem mansi uicinam in latitudine uero a cimiterio usque ad uiam communem uersus orientem de consensu fratris Walteri prioris Egneshamie et procuratoris abbatis et conuentus loci eiusdem uicario prefate ecclesie ad inhabitandum ibidem perpetuo assignamus mansum uero quondam rectorum eiusdem ecclesie uicinum et contiguum manso religiosorum prefatorum ipsis religiosis in perpetuum totaliter appropriamus et etiam assignamus Ordinamus insuper quod uicarius qui pro tempore fuerit omnia honora ordinaria tam episcopalia quam archidiaconalia debeat sustinere In cuius [rei testimonium sigillum nostrum presenti scripto est appensum] Actum apud Hystone in festo Exaltacionis sancte Crucis anno domini MCCLX octauo pontificatus uero nostri anno undecimodate