Charter Document - 00910371
| Charter Number: | 00910371 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1268 - 1281 |
| Date type: | Assigned |
| Resource Link(s): |
Bodleian Library - Christ Church MS 341 (f87r) |
Charter:
Omnibus [Christi fidelibus ad quos presens scriptum peruenit] Iohannes dei gracia abbas Egnesham et eiusdem loci conuentus salutem in domino sempiternam Nouerit uniuersitas uestra nos dedisse [concessisse et hac presenti carta nostra confirmasse] Willelmo de Hudikote unum mesuagium cum uno paruo curtillagio in Stocwellestrete extra uillam Oxonie illud scilicet quod est situm inter terram que fuit Thome filii Decani ex parte boreali et terram Hugonis de Hospitali ex parte australi habendum et tenendum de nobis et successoribus nostris dicto Willelmo et heredibus suis uel suis assignatis libere et quiete bene et in pace et quibuscunque uendere uel assignare uoluerit exceptis uiris religiosis et Iudaismo reddendo inde annuatim nobis et successoribus nostris dictus Willelmus et heredes sui uel sui assignati quatuor solidos et sex denarios ad quatuor anni terminos scilicet ad festum sancti Michaelis tres decem denarios et obolum et ad festum sancti Thome ante Nathale domini tres decem denarios et obolum et ad festum sancte Marie in Marcio tres decem denarios et obolum et ad festum sancti Iohannis Baptiste tres decem denarios et obolum pro omni seruicio exaccione et demanda saluo seruicio domini regis quantum pertinet ad tantum tenementum in eadem uilla Si uero contingat quod dictus Willelmus uel heredes sui uel sui assignati de solucione predicti redditus aliquo termino cessauerint licitum est nobis dictum tenementum ceis iare et retinere donec nobis de predicto redditu plenam soluerint solucionem Pro hac autem donacione [concessione et presentis carte confirmacione] dedit nobis predictus Willelmus unam marcam argenti per manibus Et ut [hec nostra donacio concessionem et carte nostre confirmacio rata et stabilis permaneat presenti scripto sigilla nostra apposuimus] []