Charter Document - 00910360
| Charter Number: | 00910360 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1264 - 1268 |
| Date type: | Assigned |
| Resource Link(s): |
Bodleian Library - Christ Church MS 341 (f83v) |
Charter:
Omnibus Christi fidelibus [] Alexander dei gracia abbas Egneshammensis et eiusdem loci conuentus salutem in domino sempiternam Nouerit uniuersitas uestra quod nos dedimus [] Ricardo Le Taylur de Staunthone cotidie de celario nostro quoad uixerit unum panem monachalem et unum galonem et dimidium ceruisie conuentus et unum ferculum de coquina abbatis secundum quod tempus postulauerit et ad opus garcionis sui unum secundum panem maioris ponderis de celario nostro et unam robam per annum sicut seruientes abbatis percipiunt et etiam fenum ad opus equi sui hiis condicionibus subscriptis ita uidelicet quod idem Ricardus in propria persona diligenter et fideliter portam abbatie nostre custodiet secundum quod alii portarii custodire consueuerunt et sub portarium sub se pro uoluntate abbatis habebit cui dicti abbas et conuentus de stipendiis suis respondebunt singulis annis idemque sub portarius instituetur et amouebitur pro uoluntate abbatis secundum quod meruerit et secundum quod abbas qui pro tempore fuerit fieri disposuerit et si necesse est quod dictus abbas uel quicunque alius qui pro tempore fuerit eundem Ricardum ad nundinas uel alibi pro quibuscunque negociis domus expediendis habere uoluerit idem Ricardus ea que dictus abbas uel alius qualiscunque qui pro tempore fierit pro quibuscunque negociis iniungere uoluerit sine contradiccione uel reclamatione aliqua fideliter et sine dolo sumptibus dictorum dominorum suorum faciet Si uero contingat quod absit dictum Ricardum de hiis omnibus et singulis aliquid aliter facere uel etiam delinquere delictum suum et forisfactum per uisum proborum et legalium hominum plene et ad uoluntatem abbatis qui pro tempore fuerit emendabit Et hec omnia et singula tactis euangeliis se obseruaturum iurauit Pro hac autem donacione [] dedit nobis dictus Ricardus triginta marcas sterlingorum pre manibus in gersummam Ut hec autem []