Charter Document - 00910356
| Charter Number: | 00910356 |
|---|---|
| Cartulary Title: | The Cartulary of the Abbey of Eynsham |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1264 - 1268 |
| Date type: | Assigned |
| Resource Link(s): |
Reference Document for this Embedded Document Bodleian Library - Christ Church MS 341 (f82v) |
Charter:
R miseracione diuina Lincolniensis episcopus dilectis in Christo filiis [] dei gracia abbati et conuentui Egnesham salutem graciam et benediccionem Attendentes quod monasterium uestrum hospitalitatem et opera karitatis liberaliter et libenter excerseat quodque ideo specialius quod de nostro patronatu existit indigenciis ipsius pie subuencionis dextera teneamur prospicere presertim cum rerum temporalium inopia sit depressum ecclesiam de Northone Brun in qua ius patronatus habetis uobis auctoritate pontificali concedimus et confirmamus ita quod cedente uel decedente ipsius rectore ad hospitalitatem abundancius exhibendam fructus et prouentus ipsius in proprios et pios usus possitis conuertere ipsamque perpetuis temporibus taliter retinere salua competenti uicaria cum uos dictam ecclesiam optinere contigerit per nos uel successores nostros taxanda et ordinanda saluis etiam episcopalibus consuetudinibus et Lincolniensis ecclesie dignitate In cuius rei testimonium sigillum nostrum duximus apponendum presentibus magistris R de Mapham archidiacono Oxon I de Maidenstan et W de Hanethon canonicis Lincolniensis ecclesie domino W de Wotthone cappellano et I de Stonnesbi clerico Ualete